Ísland vann mjög sannfærandi 4-0 sigur á Króatíu í fyrri leik liðanna í fyrri umferð umspilsins fyrir HM 2027, en leikið var í Pula.

Íslenska liðið stjórnaði ferðinni allan leikinn og var það Arna Eiríksdóttir sem skoraði fyrsta mark leiksins með góðum skalla á 14. mínútu eftir langt innkast Sveindísar Jane Jónsdóttur. Staðan 1-0 þegar flautað var til hálfleiks.

Glódís Perla Viggósdóttir bætti við öðru marki leiksins þegar hún skoraði úr vítaspyrnu á 67. mínútu. Hlín Eiríksdóttir skoraði þriðja mark liðsins á 75. mínútu og Arna skoraði svo sitt annað mark í uppbótartíma. Frábær 4-0 sigur staðreynd.

Liðin mætast í seinni leik liðanna á Laugardalsvelli á þriðjudaginn og hefst sá leikur kl. 17:30. Miðasalan á leikinn er í fullum gangi á miðasöluvef KSÍ.

Miðasala