Boðið verður upp á sjónlýsingu á leik Íslands gegn Króatíu sem fram fer þriðjudaginn 13. október á Laugardalsvelli. Leikurinn hefst klukkan 17:30.

Einar Örn Jónsson mun sjá um lýsinguna að þessu sinni. Sjónlýsingin er í boði fyrir alla gesti vallarins sem og þá sem ekki komast á völlinn.

Til að nálgast lýsinguna þarf að ná í appið Raydio - Audio Inklusion og mæta með sín eigin heyrnatól. Einnig er hægt að njóta lýsingarinnar í vafra en ekki er mælt með að gera það ef þú verður á vellinum þar sem möguleiki er á seinkun. 

Hér má nálgast nánari upplýsingar um sjónlýsinguna hjá KSÍ.