Boðið verður upp á sjónlýsingu á leikum A-landsliðs kvenna sem fara fram á Laugardalsvelli í vikunni.

Ísland tekur á móti Úkraínu á þriðjudag klukkan 18:30. Gunnar Birgisson mun sjá um sjónlýsinguna.

Á laugardag tekur Ísland á móti Englandi klukkan 16:30 og mun Einar Örn Jónsson sjá um sjónlýsingu á þeim leik.

Sjónlýsinguna er hægt að nálgast á heimasíðu KSÍ. Lýsingin er einnig aðgengileg í smáforritinu "Raydio - Audio Inklusion" í bæði Android og iPhone.

Sjónlýsingin er opin öllum, bæði þeim sem mæta á völlinn og þeim sem heima sitja.