Íslendingar mæta Slóvökum í vináttulandsleik í kvöld og fer leikurinn fram í Zlate Moravce.  Leikurinn hefst kl. 19:15 og verður í beinni útsendingu á Stöð 2 Sport.  Ólafur Jóhannesson, landsliðsþjálfari, hefur tilkynnt byrjunarlið sitt.

Byrjunarliðið (4-5-1):

Markvörður: Kjartan Stuluson

Hægri bakvörður: Grétar Rafn Steinsson

Vinstri bakvörður: Bjarni Ólafur Eiríksson

Miðverðir: Ragnar Sigurðsson og Kristján Örn Sigurðsson, fyrirliði

Tengiliðir: Aron Einar Gunnarsson, Stefán Gíslason og Ólafur Ingi Skúlason

Hægri kantur: Theodór Elmar Bjarnason

Vinstri kantur: Emil Hallfreðsson

Framherji: Eiður Smári Guðjohnsen

Þessar þjóðir hafa mæst tvisvar sinnum áður í A-landsleik karla og hafa báðir leikirnir verið vináttulandsleikir sem leiknir hafa verið ytra.  Slóvakar hafa farið með sigur af hólmi í báðum þessum leikjum, 3-1 árið 1997 og 2-1 árið 1998.