Stelpurnar í U17 unnu stóran sigur á stöllum sínum frá Ísrael í dag en þjóðirnar mættust á Kópavogsvelli.  Lokatölur urðu 7 - 0 Íslandi í vil eftir að staðan hafði verið 4 - 0 í hálfleik.  Stelpurnar luku því keppni í þriðja sæti riðilsins með fjögur stig.

Aldrei var spurning um hvar sigurinn mundi lenda í þessum leik og átti ísraelska liðið við ofurefli að etja.  Mörk íslenska liðsins gerðu þær Rut Kristjánsdóttir 2, Þórdís Sigfúsdóttir 2, Guðmunda Brynja Óladóttir, Ásta Eir Árnadóttir og Freyja Viðarsdóttir.  Frammistaða íslenska liðsins var mjög góð í þessari keppni.  Markalaust jafntefli við Evrópumeistara Þjóðverja í fyrsta leik og svo grátlegt tap gegn Frökkum sem eru ein af allra sterkustu þjóðunum í þessum aldursflokki.

Þjóðverjar tryggðu sér sigurinn í riðlinum með því að leggja Frakka á Akranesvelli í miklum baráttuleik, 1 - 0.  Markið kom snemma í síðari hálfleik og var gert beint úr hornspyrnu.

Riðillinn