Ísland og Danmörk mætast í vináttulandsleik hjá U21 karla í dag og verður leikið á KR vellinum.  Leikurinn hefst kl. 16:30 og er aðgangur ókeypis á þennan vináttulandsleik.

Danir eru í öðru sæti í sínum riðli í undankeppni Evrópukeppni U21 en úrslitakeppnin fer fram í Svíþjóð á næsta ári.  Danir eru þar í harðri keppni, tveimur stigum á eftir Finnum en þremur stigum á undan Skotum sem eiga þó leik inni.

Danir hafa tilkynnt byrjunarlið sitt í leiknum og er það þannig skipað:

Markvörður: Kasper Schmeichel Manchester City

Aðrir leikmenn: 

• Michael Jakobsen AaB
• Daniel Wass Brøndby
• Magnus Troest Parma
• Michael Lumb AGF
• Søren Christensen FC Nordsjælland
• Tobias Mikkelsen Brøndby
• Thomas Enevoldsen AaB
• Nicklas Pedersen FC Nordsjælland
• Lasse Schöne NEC Nijmegen
• Søren Rieks Esbjerg

Þessi leikur er liður í lokaundirbúningi íslenska liðsins fyrir síðustu leiki liðsins í sínum riðli.  Liðið leikur við Austurríki ytra þann 5. september næstkomandi og svo heima gegn Slóvakíu þann 9. september.