A landslið karla gerði 1-1 jafntefli við Eistland í fyrsta leik liðsins í Þjóðadeildinni er liðin mættust á Laugardalsvelli.

Leikurinn var nokkuð rólegur til að byrja með og var það ekki fyrr en í lok fyrri hálfleiks sem fyrsta markið leit dagsins ljós. Þar var Andri Lucas Guðjohnsen að verki með frábærum skalla eftir góða fyrirgjöf Hákons Arnars Haraldssonar. Staðan því 1-0 þegar liðin gengu til búningsherbergja í hálfleik.

Eistland fékk vítaspyrnu eftir aðeins sjö mínútna leik í seinni hálfleik, en Hákon Rafn Valdimarsson varði spyrnu Kevor Palumets frábærlega. Hákon kom hins vegar engum vörnum við tólf mínútum síðar þegar Maksim Paskotsi skoraði með góðum skalla. Leikurinn orðinn jafn.

Fleiri mörk voru ekki skoruð í leiknum þau íslenska liðið hafi fengið nokkur ágætis tækifæri og svekkjandi jafntefli því niðurstaðan.

Það er stutt í næsta leik, en Ísland mætir Lúxemborg á Stade de Luxembourg á þriðjudag og hefst sá leikur kl. 18:45 að íslenskum tíma.