U19 landslið kvenna tapaði 3-4 gegn Sviss í lokaleik sínum á EM á laugardag. 

Ingibjörg Magnúsdóttir skoraði tvö mörk fyrir Ísland og Líf Joostdóttir van Bemmel skoraði eitt. Ísland tapaði öllum leikjum sínum á mótinu og kemst því ekki í undanúrslit. Aðeins átta lið komast á lokamót EM U19 ára landsliða og er þetta í fjórða sinn sem Ísland kemst á lokamótið. 

Undanúrslitaleikirnir fara fram á þriðjudag þegar Spánn og Svíþjóð mætast annars vegar og hins vegar mætast Þýskaland og Austurríki. Úrslitaleikurinn fer fram á föstudag.

Allt um mótið á vef UEFA.