U17 kvenna vann 3-0 sigur á Tékklandi í fyrsta leik sínum í fyrri umferð undankeppni EM 2027, en leikið er i Þýskalandi.

Sara Rún Auðunsdóttir, Bára Björk Jóelsdóttir og Kara Guðmundsdóttir skoruðu mörk Íslands í leiknum.

Þýskaland vann 9-0 sigur á Kasakstan í hinum leik riðilsins.

Ísland mætir næst Þýskalandi á mánudag og hefst sá leikur kl. 10:30 að íslenskum tíma. Bein útsending verður frá leiknum á vegum þýska knattspyrnusambandsins og verður hlekkur á leikinn auglýstur á miðlum KSÍ þegar hann berst.