A landslið kvenna mætti ríkjandi heimsmeisturum Spánar í Castellon í fyrstu umferð undankeppni HM 2027 í kvöld, þriðjudagskvöld.  Íslenska liðið varðist af krafti allan leikinn og freistaði þess að beita skyndisóknum gegn ógnarsterku liði Spánverja.  Svo fór að lokum að Spánverjar unnu þriggja marka sigur.

Íslenska vörnin hélt aftur af spænsku sókninni lengst af í fyrri hálfleik, en Claudia Pina braut ísinn á 39. mínútu með skoti utan teigs sem reyndist eina mark fyrri hálfleiks.  Pina var aftur á ferðinni í upphafi seinni hálfleiks þegar hún tvöfaldaði forystu Spánverja á 54. mínútu með skoti úr vítateignum.  Þriðja mark Spánar kom síðan á 76. mínútu þegar Edna Imade skoraði með skalla eftir fyrirgjöf.

Í hínum leik riðilsins unnu Evrópumeistarar Englands 1-6 sigur á Úkraínu, en liðin mættust í Antalya í Tyrklandi.  Englendingar eru einmitt næstu mótherjar stelpnanna okkar og fer leikurinn fram á City Ground í Nottingham á laugardag.  Leikurinn hefst kl. 12:30 að íslenskum tíma og er í beinni útsendingu á RÚV.