Tyrkir hafa tilkynnt landsliðshóp sinn fyrir tvo landsleiki 3. og 9. september.  Tyrkir leika vináttulandsleik gegn Dönum 3. september en mæta svo Íslendingum hér á Laugardalsvelli, þriðjudaginn 9. september kl. 18:45 í undankeppni EM og er það fyrsti leikur þjóðanna í þeirri keppni. Valdir eru 24 leikmenn fyrir þessa leiki og leika 20 þeirra með félögum í Tyrklandi.  Miðasala á leikinn er í fullum gangi og gengur vel og eru knattspyrnuáhugafólk hvatt til þess að tryggja sér miða í tíma.