U17 karla hefur leik í fyrri umferð undankeppni EM 2027 í vikunni. 

Ísland er þar í riðli með Bosníu og Hersegóvínu, Gíbraltar og Grikklandi en leikið er í Bosníu og Hersegóvínu. 

Fyrsti leikur liðsins er á miðvikudag þegar liðið mætir Gíbraltar og hefst sá leikur kl. 12:00 að íslenskum tíma. Ísland mætir svo heimamönnum á laugardag og svo Grikklandi þriðjudaginn 29. september.

Allir leikirnir verða i beinu streymi á vegum bosníska knattspyrnusambandsins og verða hlekkir á streymin birt á miðlum KSÍ þegar þeir berast.