U17 landslið karla leikur í milliriðlum fyrir úrslitakeppni EM þessa dagana og er annar leikur liðsins í dag, föstudag. Mótherji dagsins er Lettland og er afar mikilvægt að vinna sigur í leiknum eftir 0-2 tap í fyrstu umferð, gegn Úkraínumönnum.
Milliriðillinn fer fram í Portúgal og eru heimamenn í sterkri stöðu eftir 3-0 sigur í fyrsta leik, en þeir mæta Úkraínu í dag.
Leikur Íslands í dag hefst kl. 14:00 að íslenskum tíma og er leikstaðurinn Complexo Desportivo da Tocha í Tocha. Byrjunarlið Íslands verður tilkynnt hér á vefnum um leið og það verður gert opinbert.
