U17 ára landslið kvenna mætir Slóveníu á miðvikudag í síðasta leik liðsins í milliriðli undankeppni EM 2019, en leikið er á Ítalíu.

Danmörk er á toppi riðilsins með fjögur stig, Ísland í öðru sæti með þrjú, Ítalía í því þriðja einnig með þrjú stig og Slóvenía rekur lestina með eitt.

Ítalía og Danmörk mætast á sama tíma. Efsta lið riðilsins fer áfram í lokakeppni EM 2019, sem haldin er í Búlgaríu. 

Leikurinn hefst kl. 14:00 að íslenskum tíma og verður hægt að fylgjast með gangi leiksins á vef UEFA og miðlum KSÍ.

Vefur UEFA