Valmynd
Valmynd
U17 kvenna mætir Serbíu á föstudag í síðasta leik sínum í seinni umferð undankeppni EM 2026.
Leikurinn á föstudag hefst kl. 11:00 að íslenskum tíma en leikið er á æfingasvæði serbneska knattspyrnusambandsins.
Bein útsending verður frá leiknum á Youtube síða serbneska knattspyrnusambandsins.
Ísland hefur tapað báðum leikjum sínum í riðlinum, 1-2 gegn Frakklandi og 0-1 gegn Austurríki. Serbía tapaði 1-2 gegn Austurríki en vann 2-1 sigur gegn Frakklandi.
Ísland er því í neðsta sæti riðilsins fyrir lokaumferðina og verður að vinna sigur gegn Serbíu til að halda sér í A deild fyrir fyrstu umferð undankeppni EM 2027.
