U19 kvenna mætir Serbíu á miðvikudag í síðasta leik sínum í seinni umferð undankeppni EM 2026.

Leikurinn hefst kl. 10:00 að íslenskum tíma og verður hægt að sjá leikinn í beinni útsendingu á Youtube síðu serbneska knattspyrnusambandsins.

Bein útsending

Ísland er í efsta sæti riðilsins fyrir lokaleikinn með fjögur stig á meðan Finnland er með jafn mörg stig, en lakari markatölu, í öðru sæti. Danmörk er svo með þrjú stig í þriðja sæti og Serbía án stiga. Finnland og Danmörk mætast á sama tíma og Ísland og Serbía.

Það lið sem vinnur riðilinn fer áfram í lokakeppnina sem haldin verður í Bosníu og Hersegóvínu dagana 27. júní - 10. júlí.