Eyjólfur Sverrisson, landsliðsþjálfari U21 karla, hefur valið Aron Sigurðarson úr Fjölni í hópinn sem mætir Frökkum í undankeppni EM.  Aron kemur í stað Arnórs Ingva Traustasonar sem varð að draga sig út úr hópnum vegna meiðsla.

Leikurinn fer fram á Laugardalsvelli, mánudaginn 14. október, kl. 18:30.  Miðasala á leikinn er í fullum gangi og fer hún fram í gegnum miðasölukerfi hjá www.midi.is.