U21 lið karla tekur á móti Wales í undankeppni EM 2025, þriðjudaginn 10. september klukkan16:30

Leikurinn fer fram á Víkingsvelli og er miðasala í fullum gangi á tix.is, miða á leikinn má nálgast hér.

Leikurinn verður í beinni útsendingu og í opinni dagskrá á Stöð 2 sport.

Íslenska liðið er í þriðja sæti riðilsins eftir fimm leiki með níu stig á meðan Wales situr í öðru sæti með 11 stig, jafnir Dönum í stigum. Ásamt Íslandi og Wales í riðli eru Tékkar, Litháar og Danmörk en íslenska liðið vann góðan 4-2 sigur á Dönum síðastliðinn föstudag.

Liðin hafa einungis mæst tvisvar í þessum aldursflokki og hefur Wales unnið báðar viðureignir. Fyrri viðureign Wales og Íslands í riðlinum endaði með 1-0 sigri Wales á heimavelli.

 

Mótið á vef KSÍ