A landslið karla er komið saman til undirbúnings og æfinga fyrir komandi leik í Þjóðadeild UEFA gegn Búlgaríu.  Liðin mætast í Plovdiv á föstudag, leikurinn hefst kl. 19:45 að íslenskum tíma og er í beinni útsendingu á Sýn (opin dagskrá).

Fyrir lokasprettinn í Þjóðadeildinni er íslenska liðið efst í riðlinum með 8 stig eftir fjóra leiki og þar á eftir kemur Eistland með 6 stig.  Búlgaría er með 4 stig og Lúxemborg rekur lestina með þrjú stig.