Valmynd
Valmynd
7. júní 2017
Leikmenn A landsliðs karla undirbýr sig nú af kappi undir stórleikinn gegn Króötum. Leikurinn fer fram sunnudaginn 11. júní nk. á Laugardalsvelli og er liður í undankeppni HM 2018.
7. júní 2017
Íslenska U19 ára landslið kvenna tapaði 4-0 fyrir Þjóðverjum í fyrsta leik sínum í milliriðli EM í Þýskalandi í dag. Þýska liðið var mun sterkara í leiknum en staðan var 1-0 í hálfleik.
6. júní 2017
Stelpurnar okkar undirbúa sig nú fyrir vináttulandsleik gegn Írum sem fram fer í Dublin, fimmtudaginn 8. júní og hefst kl. 19:30 að staðartíma eða 18:30 að íslenskum tíma.  Þetta er fyrri vináttulandsleikurinn sem stelpurnar leika nú á nokkrum dögum en liðið mætir Brasilíu á Laugardalsvelli, þriðjudaginn 13. júní kl. 18:30.  Það verður síðasti leikur Íslands fyrir úrslitakeppni EM í Hollandi.
2. júní 2017
Heimir Hallgrímsson, landsliðsþjálfari, hefur valið hópinn sem mætir Króatíu í undankeppni HM 2018. Leikurinn fer fram á Laugardalsvelli þann 11. júní nk. og hefst kl. 18:45.
2. júní 2017
Íslenska kvennalandsliðið í knattspyrnu leikur gegn Brasilíu á Laugardalsvelli þriðjudaginn 13. júní nk. Þetta verður síðasti leikur liðsins á heimavelli áður en liðið heldur á EM í Hollandi.
2. júní 2017
Jörndur Áki Sveinsson, landsliðsþjálfari U16 kvenna, hefur valið 29 leikmenn til úrtaksæfinga sem fram fara helgina 16. - 17. júní. Æfingarnar eru liður í undirbúningi fyrir Norðurlandamótið í þessum aldursflokki sem fer fram í Finnlandi, dagana 29. júní - 7. júlí.
1. júní 2017
Eyjólfur Sverisson. landsliðsþjálfari U21 karla, hefur valið hópinn sem mætir Englandi í vináttulandsleik, 10. júní.  Leikið verður á æfingasvæði Englendinga, St Georg´s Park, en leikið er fyrir luktum dyrum.
30. maí 2017
Stelpurnar okkar leika kveðjuleik á Laugardalsvelli gegn Brasilíu áður en haldið er á EM í Hollandi. Þetta er engin smáleikur en Brasilía, eitt besta landsliðs heims, mætir á Laugardalsvöllinn og etur kappi við stelpurnar okkar.
29. maí 2017
Þorlákur Árnason, landsliðsþjálfari U17 karla, hefur valið eftirfarandi leikmenn til þátttöku á æfingum dagana 14.- og 15.júní. 
29. maí 2017
Búið er að semja við England um vináttulandsleik ytra. Leikið verður 10. júní kl. 11:00 á St Georg´s Park æfingasvæði Englendinga. Leikurinn er liður í undirbúningi Íslands fyrir næsta EM og liður í undirbúningi U21 Englands fyrir lokakeppni EM í Póllandi í sumar.
26. maí 2017
Þórður Þórðarson, landsliðsþjálfari U-19 kvenna, hefur valið hópinn sem tekur þátt í milliriðli Evrópumótsins í Þýskalandi 4.-13. júní næstkomandi. Ísland leikur í riðli með Þýskalandi, Sviss og Póllandi. 
26. maí 2017
Freyr Alexandersson, landliðsþjálfari, hefur valið hópinn sem leikur vináttuleiki við Írland og Brasilíu en leikirnir eru hluti af undirbúningi Íslands fyrir EM í Hollandi. Fyrri leikurinn fer fram þann 8. júní en seinni leikurinn er kveðjuleikur Íslands og er hann gegn Brasilíu þann 13. júní á Laugardalsvelli.
19. maí 2017
Mikill áhugi er á leik Finnlands og Íslands í undankeppni HM en leikurinn fer fram þann 2. september í Tampere í Finnlandi. Allir miðar á svæði stuðningsmanna Íslands seldist upp þegar þeir fóru í sölu og óskaði KSÍ eftir fleiri miðum. Það bar árangur og fara 400 miðar í sölu n.k. miðvikudag.
19. maí 2017
Kvennalandsliðið mun mæta Brasilíu í vináttuleik þann 13. júní en þetta verður kveðjuleikur íslenska liðsins áður en haldið er á EM í Hollandi. Samningur milli KSÍ og brasilíska knattspyrnusambandsins um leikinn var undirritaður í gærkvöldi.
15. maí 2017
Handhafar A og DE skírteina frá KSÍ fá afhenta aðgöngumiða á leik Íslands og Króatíu í undankeppni HM A landsliða karla, fimmtudaginn 18. maí frá kl. 12:00 á hádegi til kl. 16:00, eða á meðan birgðir endast. Miðarnir verða afhentir á skrifstofu KSÍ gegn framvísun skírteinis.
5. maí 2017
Uppselt er á leik Íslands og Króatíu sem fram fer á Laugardalsvelli, sunnudaginn 11. júní, kl. 18:45. Miðasala fór fram í gegnum miðasölukerfi hjá midi.is og varð uppselt á skömmum tíma eftir að sala hófst.
3. maí 2017
Miðasala á leik Íslands og Króatíu í undankeppni HM hefst á föstudaginn, 5. maí, kl. 12:00 á hádegi. Leikurinn fer fram sunnudaginn 11. júní, kl. 18:45, á Laugardalsvelli og fer miðasalan fram í gegnum miðasölukerfi hjá www.midi.is.
2. maí 2017
Allir miðar sem KSÍ fékk á Finnland - Ísland eru uppseldir. Mikill áhugi er fyrir leiknum meðal íslenskra stuðningsmanna en karlalandsliðið í körfubolta leikur sama dag við Pólland í Helsinki en leikurinn við Finna, sem er í undankeppni HM, fer fram í Tampere. 1300 miðar seldust upp á svæði stuðningsmanna Íslands en KSÍ hefur óskað eftir fleiri miðum og munum við birta á vef KSÍ og samfélagsmiðlum ef fleiri miðar verða í boði.
