Valmynd
Valmynd
30. mars 2017
U17 kvenna leikur annan leik sinn í milliriðli fyrir EM í dag. Leikurinn er gegn Spáni og verður blásið til leiks klukkan 14:00. Leikurinn verður sýndur beint á netinu og mun hlekkur á leikinn koma á Facebook-síðu KSI.
30. mars 2017
U17 ára landslið kvenna tapaði gegn Spánverjum í dag í milliriðli fyrir EM. Leikurinn endaði 3-0 fyrir Spán sem skoraði öll mörk sín í síðari hálfleik. Lokaleikur Íslands í milliriðlinum verður gegn Portúgal á sunnudaginn.
29. mars 2017
Kvennalandsliðið leikur tvo vináttuleiki í apríl við Slóvakíu og Holland en leikirnir eru hluti af undirbúningi liðsins fyrir EM í sumar. Freyr Alexandersson, landsliðsþjálfari, hefur tilkynnt leikmannahópinn sem fer í þessi verkefni og má sjá hópinn hér.
29. mars 2017
Kvennalandsliðið verður í næstefsta styrkleikaflokki þegar dregið verður í riðla fyrir undankeppni HM 2019 þann 25. apríl. Styrkleikaflokkarnir eru fimm og verður dregið í sjö riðla. Efsta lið hvers riðils kemst beint á HM, og fjögur lið með bestan árangur í 2. sæti fara í umspil um tvö laus sæti til viðbótar.
28. mars 2017
U17 ára landslið kvenna leikur fyrsta leik sinn í milliriðli fyrir EM 2017 í dag gegn Svíþjóð. Jörundur Áki Sveinsson, þjálfari liðsins, hefur valið byrjunarliðið fyrir leikinn og er það skipað eftirtöldum leikmönnum.
28. mars 2017
A landslið karla leikur vináttuleik gegn Írum í Dublin í dag. Leikurinn verður 11 viðureign þjóðanna sem fyrst mættust á Laugardalsvelli í vináttuleik 1958. Leikurinn sá endaði með sigri Írlands (2-3) þar sem Helgi Björgvinsson og Þórður Þórðarson skoruðu mörk Íslands.
28. mars 2017
U21 árs lið karla leikur vináttuleik gegn Saudi Arabíu í dag. Leikurinn sem fer fram á Ítalíu hefst kl. 13:00 að íslenskum tíma. Leikurinn er þriðji og síðasti vináttuleikur liðsins á einni viku en tveir leikir gegn Georgíu fóru fram í síðustu viku og um helgina. Fyrri leikurinn tapaðist 1-3 en þeim síðari lauk með jafntefli 4-4.
28. mars 2017
U17 ára landslið kvenna vann frábæran 1-0 sigur á Svíum í fyrsta leik sínum í milliriðli Evrópumótsins en riðillinn er leikinn í Portúgal. Stefanía Ragnarsdóttir leikmaður Þróttar Reykjavíkur skoraði sigurmarkið á 8. mínútu leiksins.
28. mars 2017
Strákarnir í U21 unnu góðan sigur á Sádí Arabíu í dag en vináttulandsleikur liðanna var leikinn í Róm.  Lokatölur urðu 3 - 1 fyrir Ísland en markalaust var í leikhléi.  Góður undirbúningur liðsins að baki fyrir undankeppni EM en liðið lék þrjá leiki í ferðinni. 
28. mars 2017
slenska karlalandsliðið vann góðan 1-0 sigur á Írum í vináttuleik þjóðanna sem fram fór á Aviva leikvangnum í Dublin í kvöld. Hörður Björgvin Magnússon skoraði eina mark leiksins beint úr aukaspyrnu á 21. mínútu.
26. mars 2017
Arnór Smárason hefur verið kallaður inn í hóp A landsliðs karla sem mætir Írlandi í vináttuleik á þriðjudag. Arnór kemur til móts við hópinn í Dublin í dag. Arnór sem á að baki 21 leik með A landsliðinu og hefur skorað í þeim 2 mörk, lék síðast með landsliðinu í China Cup í janúar.
25. mars 2017
Strákarnir í U21 léku í dag anna vináttulandsleikinn gegn Georgíu á þremur dögum en leikið var í Tiblisi. Heimamenn höfðu betur í fyrri leiknum en í dag endaði leikurinn með jafntefli, 4 - 4. Liðið heldur nú til Rómar þar sem leikið verður gegn Sádí Arabíu á þriðjudaginn.
25. mars 2017
Arnór Ingvi Traustason, Emil Hallfreðsson og Gylfi Þór Sigurðsson, munu ekki leika vináttuleikinn gegn Írlandi á þriðjudaginn.
24. mars 2017
A landslið karla leikur gegn Kósóvó í Shkoder í Albaníu í dag. Leikurinn er liður í undankeppni HM 2018 þar sem Ísland er í þriðja sæti I riðils en Kósóvó er í því sjötta með 1 stig.
24. mars 2017
Heimir Hallgrímsson, landsliðsþjálfari, hefur valið þá 11 leikmenn sem munu hefja leik fyrir Íslands hönd í leiknum á móti Kósóvó í undankeppni HM 2018 í kvöld. 6 leikmenn úr byrjunarliðinu hófu einnig leikinn gegn Króatíu í nóvember sem var síðasti leikur Íslands í undankeppninni. 
24. mars 2017
Strákarnir okkar unnu 1-2 sigur á Kosóvó í undankeppni HM en leikurinn fór fram í Albaníu. Sigurinn var torsóttur en íslenska liðið byrjaði vel og leiddi 0-2 eftir 35. mínútu en Kosóvar létu íslenska liðið heldur betur hafa fyrir hlutunum. Sigurinn skilar Íslandi í 2. sæti riðilsins og það verður risastór leikur gegn Króatíu í júní.
24. mars 2017
U21 karla leikur seinni leik sinn við Georgíu á laugardagsmorgun en leikurinn hefst klukkan 10:00. Fyrri leikur liðanna endaði með 3-1 sigri Georgíu en þar fengu margir leikmenn að stíga sín fyrsta skref með landsliðinu.
24. mars 2017
Kvennalandsliðið fór í 18. sæti á heimslista FIFA sem birtur var í dag. Liðið færir sig upp á listanum en stelpurnar okkar gerðu jafntefli við Spán og sigruðu Kína á Algarve mótinu fyrr í mánuðinum en tapaði gegn Noregi og Japan.
