Valmynd
Valmynd
10. september 2014
Eins og kunnugt er heldur KSÍ úrslitakeppni EMU17 kvenna 2015 og fær því Íslands sjálfkrafa keppnisrétt í úrslitakeppninni. Undirbúningur er þegar hafin og næsta skref í því ferli eru mælingar leikmanna.
10. september 2014
Ísland tekur á móti Ísrael í undankeppni HM á Laugardalsvelli, laugardaginn 13. september kl.17:00. Knattspyrnuáhugafólk er hvatt til þess að fjölmenna á völlinn á laugardaginn og sýna okkar stúlkum þann stuðning sem þær eiga skilið.
9. september 2014
Heimir Hallgrímsson og Lars Lagerbäck, landsliðsþjálfarar, hafa tilkynnt byrjunarliðið sem mætir Tyrkjum í kvöld í fyrsta leik Íslands undankeppni EM en leikið er á Laugardalsvelli í kvöld kl. 18:45.
9. september 2014
Þeir sem höfðu vonast eftir góðri byrjun íslenska landsliðsins í undankeppni EM fengu svo sannarlega mikið fyrir sinn snúð á Laugardalsvelli í kvöld.  Tyrkir voru lagðir að velli, 3 - 0, í frábærum leik þar sem íslensku strákarnir voru betri aðilinn allan leikinn.
9. september 2014
Í kvöld varð endanlega ljóst að U21 karlalandsliðið verður í pottinum þegar dregið verður í umspilð fyrir úrslitakeppnina 2015 en hún fer fram í Tékklandi. Dregið verður í höfuðstöðvum UEFA en 14 þjóðir verða í pottinum.
9. september 2014
Strákarnir í U21 gerðu jafntefli gegn Frökkum í kvöld en leikið var í Auxerre í Frakklandi. Lokatölur urðu 1 - 1 og jafnaði Kristján Gauti Emilsson metin á 80. mínútu með skalla eftir hornspyrnu. Nú þarf að bíða eftir úrslitum kvöldsins til að sjá hvort þessi stig dugi íslenska liðinu en fjölmargir leikir eru í dag og í kvöld sem hafa áhrif á stöðu Íslands.
9. september 2014
Ísland tekur á móti Tyrkjum í kvöld á Laugardalsvelli en þetta er fyrsti leikur Íslands í undankeppni EM 2016. Leikurinn hefst kl. 18:45 og enn er hægt að fá miða á leikinn en miðasala er í gegnum miðasölukerfi hjá midi.is og einnig hefst miðasala á Laugardalsvelli kl. 12:00 á hádegi.
9. september 2014
Leikur Íslands og Tyrklands hefst kl. 18:45 á Laugardalsvelli í kvöld. Gott er að minna gesti Laugardalsvallar á að það er fjöldi bílastæða í Laugardalnum og aðeins lítill hluti þeirra beint fyrir utan Laugardalsvöllinn. Á myndinni hér að neðan má sjá hvar hægt er að finna bílastæði í göngufæri við Laugardalsvöll.
9. september 2014
Hægt er að sjá svipmyndir úr landsleikjunum í undankeppni EM á heimasíðu UEFA en helstu atriði leikjanna sem fram fóru á sunnudaginn eru nú aðgengilegir á síðunni.
8. september 2014
Strákarnir í U21 verða í eldlínunni í kvöld þegar þeir mæta Frökkum í Auxerre og hefst leikurinn kl. 19:00 að íslenskum tíma. Frakkar hafa tryggt sér efsta sætið í riðlinum og þar með sæti í umspili fyrir úrslitakeppnina. Íslendingar eru öruggir með annað sætið í riðlinum en þurfa, allavega, á stigi að halda til að eiga möguleika á sæti í umspili.
8. september 2014
Hér að neðan má sjá rafræna leikskrá sem gefin er út fyrir leik Íslands og Tyrklands.  Leikið verður á Laugardalsvelli, þriðjudaginn 9. september kl. 18:45.  Þetta er fyrsti leikur Íslands í undankeppni EM 2016 og er miðasala í fullum gangi í gegnum miðasölukerfi hjá midi.is.
8. september 2014
Eyjólfur Sverrisson, landsliðþálfari U21 karla, hefur tilkynnt byrjunarliðið fyrir leikinn gegn Frökkum sem fram fer í Auxerre og hefst kl. 19:00 að íslenskum tíma. Leikurinn er lokaleikur íslenska liðsins í riðlakeppninni en liðið á möguleika á að komast í umspil fyrir úrslitakeppni EM 2015.
6. september 2014
KSÍ og bakhjarlar okkar er sannkallaðir fótboltavinir og við viljum að sem flestir verði vinir fótboltans. Við ætlum því að setja af stað skemmtilegan leik sem er þannig að allir þeir sem setja mynd á Instagram og merkja hana #fotboltavinir gætu unnið til glæsilegra verðlauna.
5. september 2014
Handhafar A og DE skírteina frá KSÍ fá afhenta aðgöngumiða á leik Íslands og Tyrklands í undankeppni EM, föstudaginn 5. september kl. 10:00 til kl. 16:00. Miðarnir verða afhentir á skrifstofu KSÍ gegn framvísun skírteinis.
5. september 2014
Eyjólfur Sverrisson, landsliðsþjálfari U21 karla, hefur gert breytingu á hópnum sem mætir Frökkum í lokaleik liðsins í undankeppni EM. Sigurður Egill Lárusson, úr Val, kemur inn í hópinn. Hólmbert Aron Friðjónsson verður í leikbanni í þessum leik og þá verður Jón Daði Böðvarsson í A landsliðshópnum sem undirbýr sig nú fyrir leik gegn Tyrkjum á þriðjudaginn.
5. september 2014
Strákarnir í U19 töpuðu í dag gegn Norður Írum í seinni vináttulandsleik þjóðanna en leikið var í Belfast.  Leiknum í dag lauk með 3 - 1 sigri heimamanna eftir að þeir höfðu leitt, 1 - 0, í leikhléi.  Fyrri leiknum lauk með 2 - 2 jafntefli en þessi leikir eru undirbúningur hjá íslenska liðinu fyrir riðlakeppni EM en riðill Íslands verður leikinn í Króatíu í október.
5. september 2014
U19 landslið karla mætir Norður-Írum í vináttulandsleik í dag, föstudag. Leikið er í Belfast og hefst leikurinn kl. 13:00 að íslenskum tíma. Þetta er annar leikur þessara liða, sem mættust á miðvikudag, og lauk þeim leik með 2-2 jafntefli. Byrjunarlið Íslands í dag hefur verið opinberað og eru þrjár breytingar gerðar milli leikja.
3. september 2014
Í næstu viku hefst undankeppni EM 2016 og um leið er kynnt nýtt fyrirkomulag til sögunnar sem kallað er "Week of Football".  Núna í vikunni eru fjölmargir vináttulandsleikir á dagskránni, m.a. hjá andstæðingum Íslands í undankeppninni.
