Valmynd
Valmynd
1. apríl 2014
Þorlákur Már Árnason, þjálfari U17 landsliðs karla, hefur valið 18 leikmenn fyrir undirbúningsmót UEFA sem verður leikið Norður-Írlandi í apríl.  Auk Íslendinga leika Norður-Írar, Wales-menn og Færeyingar í mótinu, og eru liðin skipuð leikmönnum fæddum 1998 og síðar.
31. mars 2014
U17 landslið karla mætir Portúgal í dag, mánudag kl. 15:00, lokaleik sínum í milliriðli EM sem er einmitt leikinn þar í landi.  Lið heimamanna er ógnarsterkt og hafa þeir þegar tryggt sér efsta sæti riðilsins og þar með sæti í úrslitakeppninni.  Báðir leikir riðilsins hefjast kl. 15:00 að íslenskum tíma.
31. mars 2014
Þorlákur Már Árnason, þjálfari U17 landsliðs karla, hefur tilkynnt byrjunarlið Íslands fyrir lokaleik liðsins í milliriðili EM, sem fram fer í dag, mánudag, og hefst kl. 15:00 að íslenskum tíma.  Mótherji dagsins er Portúgal, en milliriðillinn er einmitt leikinn þar í landi.
31. mars 2014
Breyting hefur verið gerð á leikmannahópi U19  kvenna fyrir milliriðla EM, sem fram fara í Króatíu í apríl.  Sandra María Jessen er meidd og getur ekki leikið með íslenska liðinu, og í hennar stað hefur Lillý Rut Hlynsdóttir verið valin.
31. mars 2014
U17 landslið karla tapaði með þremur mörkum í dag, mánudag, í síðasta leik sínum í milliriðli fyrir EM. Portúgal hafði unnið báða sína leiki í milliriðli fyrir EM U17 karla, gegn Lettlandi og Úkraínu, með sömu markatölu, 3-0, og sú varð einnig raunin gegn Íslandi.
28. mars 2014
U17 landslið karla mætir Lettlandi í dag og hefst leikurinn kl. 14:00.  Leikið er í Tocha í Portúgal.  Um er að ræða annan leik liðsins í milliriðli fyrir úrslitakeppni EM.  Þorlákur Árnason, þjálfari liðsins, hefur tilkynnt byrjunarlið Íslands
28. mars 2014
Íslenska kvennalandsliðið fór upp um 3 sæti á heimslista FIFA en íslenska liðið er núna í 16. sæti listans. Frábært gengi Íslands á Algarve-mótinu, þar sem Ísland vann bronsverðlaun, hafa mikil áhrif á listann. Ísland vann þrjá af fjórum leikjum liðsins á mótinu.
28. mars 2014
Katrín Jónsdóttir er sem kunnugt er lang leikjahæsti leikmaður A-landsliðs kvenna frá upphafi.  Á Algarve-mótinu í ár bættust svo tveir leikmenn í þennan 100-leikja hóp, þær Þóra Björg Helgadóttir og Dóra María Lárusdóttir.
28. mars 2014
Þrátt fyrir að vera umtalsvert sterkari aðilinn gegn Lettlandi tókst U17 landsliði karla ekki að koma knettinum í markið þegar liðin mættust í milliriðli EM í dag, föstudag, og lauk leiknum með markalausu jafntefli.
28. mars 2014
U17 landslið karla leikur í milliriðlum fyrir úrslitakeppni EM þessa dagana og er annar leikur liðsins í dag, föstudag, kl. 14:00 að íslenskum tíma. Mótherji dagsins er Lettland og er afar mikilvægt að vinna sigur í leiknum eftir 0-2 tap í fyrstu umferð, gegn Úkraínumönnum.
27. mars 2014
Úrslitakeppni HM fer fram í Kanada í júní/júlí 2015.  Átta Evrópuþjóðir munu leika í í úrslitakeppninni, fleiri en nokkru sinni fyrr. Sigurvegarar riðlanna sjö komast beint í úrslitakeppnina og fjögur lið með bestan árangur í öðru sæti keppa um áttunda Evrópusætið í sérstöku umspili.
27. mars 2014
Á þingi UEFA sem haldið var í vikunni í Astana í Kasakstan, samþykktu öll 54 aðildarlöndin að stofna sérstaka keppni A-landsliða karla, sem verður leikin samhliða undankeppnum EM og HM og fer þessi nýja UEFA-keppni fyrst fram að lokinni úrslitakeppni HM 2018.
27. mars 2014
U19 landslið kvenna leikur í milliriðli fyrir EM í apríl og fer riðillinn fram í Króatíu.  Ólafur Þór Guðbjörnsson hefur tilkynnt leikmannahóp Íslands.  Hópurinn telur 18 leikmenn og koma þeir úr átta félögum.
26. mars 2014
Þorlákur Árnason, landsliðsþjálfari U17 karla, hefur valið liðið sem leikur fyrsta leikinn í milliriðli í undankeppni EM. Leikurinn fer fram klukkan 14:00 að íslenskum tíma og eru mótherjarnir Úkraína.
26. mars 2014
U17 landslið karla tapaði gegn Úkraínu í fyrsta leik sínum í undankeppni EM U17 landsliða karla.  Úkraínumenn komust yfir með marki á annarri mínútu uppbótartíma fyrri hálfleiks og bættu svo við marki á þriðju mínútu seinni hálfleiks.
25. mars 2014
Freyr Alexandersson, þjálfari A landsliðs kvenna, hefur tilkynnt leikmannahópinn fyrir leiki við Ísrael og Möltu í undankeppni fyrir HM kvenna 2015. Íslenska liðið leikur við Ísrael þann 5. apríl og Möltu 10. apríl.
25. mars 2014
Íslenska U17 ára landslið karla leikur í milliriðli í Portúgal vegna EM 2014 en fyrsti leikur liðsins er á miðvikudag. Íslensku strákarnir hefja leik gegn Úkraínu, en svo er leikið við Lettland á föstudaginn og seinasti leikurinn er við heimamenn í Portúgal á mánudaginn.
24. mars 2014
Úrslitakeppni EM U17 landsliða kvenna fer fram á Íslandi sumarið 2015.  Undirbúningur er þegar hafinn, bæði hjá UEFA og KSÍ og mun sendinefnd frá UEFA heimsækja Ísland í þessari viku.  Fundað verður um ýmis mál og aðstæður skoðaðar.
