Valmynd
Valmynd
21. janúar 2009
Leikjaniðurröðun hefur verið birt fyrir Algarve Cup 2009 en þar leikur íslenska kvennalandsliðið í B riðli. Fyrsti leikur íslenska liðsins verður gegn Noregi, miðvikudaginn 4. mars.
19. janúar 2009
Um komandi helgi verða úrtaksæfingar hjá U17 og U19 karla og verður æft í Egilshöll og Kórnum. Landslliðsþjálfararnir Gunnar Guðmundsson og Kristinn R. Jónsson hafa valið úrtakshópa fyrir þessar æfingar.
14. janúar 2009
Á nýjum styrkleikalista FIFA fyrir karlalandslið er birtur var í dag er íslenska landsliðið í 80. sæti og hefur farið upp um 3 sæti síðan listinn var síðast birtur. Sem fyrr eru Spánverjar í efsta sæti listans en lítil hreyfing var á efst sætum listans að þessu sinni.
12. janúar 2009
Landsliðsþjálfararnir, Þorlákur Árnason og Ólafur Þór Guðbjörnsson, hafa valið æfingahópa fyrir úrtaksæfingar hjá U17 og U19 kvenna sem fram fara um komandi helgi.
9. janúar 2009
Þorlákur Árnason, landsliðsþjálfari U17 kvenna, hefur valið leikmenn á landsliðsæfingu sem fram fer í Boganum miðvikudaginn 14. janúar næstkomandi. Í hópinn eru valdir leikmenn frá félögum á Norðurlandi.
9. janúar 2009
Knattspyrnusambandi Íslands og Knattspyrnusamband Færeyja hafa komist að samkomulagi um að karlalandslið þjóðanna leiki vináttulandsleik í Kórnum, sunnudaginn 22. mars.
7. janúar 2009
Íslenska kvennalandsliðið leikur vináttulandsleik við Holland í Kórnum 25. apríl næstkomandi. Leikurinn átti upphaflega að fara fram 23. apríl en hefur verið færður aftur um tvo daga að ósk Hollendinga.
6. janúar 2009
Landsliðsþjálfararnir Freyr Sverrisson og Gunnar Guðmundsson hafa valið æfingahópa til æfinga hjá U16 og U17 karla. Æfingar fara fram í Kórnum og Egilshöll um næstu helgi.
30. desember 2008
Landsliðsþjálfararnir, Þorlákur Árnason og Ólafur Þór Guðbjörnsson, hafa valið hópa til æfinga um næstu helgi hjá U17 og U19 kvenna. Æfingarnar fara fram í Egilshöllinni og Kórnum.
18. desember 2008
KSÍ hefur gengið frá tveggja ára samningum við nokkra landsliðsþjálfara. Bæði er um endurráðningar að ræða sem og að gengið hefur verið til samninga við nýja landsliðsþjálfara. Allir þessir samningar eru til tveggja ára.
17. desember 2008
Nýr styrkleikalisti karlalandsliða hjá FIFA var birtur í dag og fellur Ísland um eitt sæti frá síðasta lista. Íslenska karlalandsliðið er í 83. sæti listans en sem fyrr eru það Evrópumeistarar Spánar er tróna á toppnum.
16. desember 2008
Í sumar komu hér aðilar frá hinum kunna íþróttaþætti Trans World Sport og kynntu sér knattspyrnu kvenna á Íslandi. Rætt er við Sigurð Ragnar Eyjólfsson, Katrínu Jónsdóttur og Margréti Láru Viðarsdóttur í þættinum.
16. desember 2008
Knattspyrnusamband Íslands og Knattspyrnusamband Liechtenstein hafa komist að samkomulagi um að karlalandslið þjóðanna leiki vináttulandsleik 11. febrúar næstkomandi. Leikurinn verður leikinn á La Manga á Spáni.
15. desember 2008
Sigurður Ragnar Eyjólfsson, landsliðsþjálfari A landsliðs kvenna, hefur tilkynnt undirbúningshóp og eru það 40 leikmenn sem skipa þann hóp. Æfingarnar fara fram í Kórnum 3. og 4. janúar.
12. desember 2008
Leiktímar fyrir leiki úrslitakeppni EM kvenna í Finnlandi eru tilbúnir. Íslenska liðið er sem kunnugt er í riðli með Frakklandi, Noregi og Þýskalandi. Fyrsti leikur íslenska liðsins verður við Frakka, mánudaginn 24. ágúst kl. 17:00 að íslenskum tíma.
3. desember 2008
Í gær var úthlutað úr afrekskvennasjóði Glitnis og ÍSÍ og voru styrkþegar þrír talsins í þett skiptið. Knattspyrnusamband Ísland var einn þeirra og hlýtur sambandið eina milljón króna í styrk vegna A landsliðs kvenna.
3. desember 2008
Í dag verður dregið í undankeppni EM 2009/2010 hjá landsliðum U17 og U19 karla. Dregið verður í höfuðstöðvum UEFA í Sviss en úrslitakeppni U17 karla fer fram að þessu sinni í Liechtenstein en hjá U19 karla fer hún fram í Frakklandi.
3. desember 2008
Í dag var dregið í undankeppni fyrir EM 2010 hjá landsliðum U17 og U19 karla. Hjá U17 karla leikur Ísland í riðli með Bosníu, Rússlandi og Wales. Hjá U19 karla lentu Íslendingar í riðli með Búlgaríu, Norður Írlandi og Bosníu.
