Valmynd
Valmynd
20. febrúar 2009
Njarðvíkingar hafa skilað inn fjárhagslegum leyfisgögnum sínum, þ.e. endurskoðuðum ársreikningi og viðeigandi staðfestingum. Njarðvíkingar leika í 2. deild, en taka engu að síður þátt í leyfisferlinu.
17. febrúar 2009
Haukar urðu í dag fyrsta 1. deildar félagið til að skila fjárhagslegum leyfisgögnum vegna umsóknar um þátttökuleyfi í deildinni 2009. FH-ingar skiluðu í gær og þar með hafa Hafnarfjarðarfélögin bæði skilað sínum gögnum.
17. febrúar 2009
Íslandsmeistarar FH hafa skilað endurskoðuðum ársreikningi sínum til leyfisstjórnar og þar með hafa fjögur félög, öll úr efstu deild, skilað sínum gögnum innan tímamarka. Enn eiga því 20 félög eftir að skila.
17. febrúar 2009
Stjórn KSÍ samþykkti á fundi sínum þann 13. febrúar nýja reglugerð KSÍ um knattspyrnuleikvanga og breytingar á reglugerð KSÍ um aga – og úrskurðarmál og reglugerð KSÍ um knattspyrnumót.
13. febrúar 2009
Valur er fyrsta félagið til að skila fjárhagslegum fylgigögnum með leyfisumsókn fyrir keppnistímabilið 2009. Skiladagur er föstudagurinn 20. febrúar, þannig að Valsmenn eru viku á undan áætlun.
13. febrúar 2009
Keflavík varð í dag þriðja félagið til að skila fjárhagslegum leyfisgögnum, viku fyrir skiladag. Félögin virðast vera snemma á ferðinni í ár, en áður höfðu Valsmenn og Stjörnumenn skilað. Ekkert félag í 1. deild hefur þó enn skilað.
13. febrúar 2009
Stjarnan í Garðabæ hefur skilað fjárhagslegum leyfisgögnum vegna umsóknar félagsins um þátttökuleyfi í efstu deild karla 2009. Þar með hafa tvö félög skilað gögnum, viku áður en lokafrestur rennur út.
4. febrúar 2009
Umsóknarfrestur í Mannvirkjasjóð KSÍ er til 1. apríl en sjóðnum er ætlað að styðja við nýframkvæmdir knattspyrnumannvirkja til þess að skapa iðkendum, stjórnendum, áhorfendum og öðrum sem besta aðstöðu.
2. febrúar 2009
Leyfisstjórn hefur nú lokið fyrri yfirferð leyfisgagna. Ýmsar athugasemdir hafa verið gerðar við gögnin eins og venja er og hefur félögunum verið gefinn frestur til 20. febrúar til að ganga frá lausum endum.
20. janúar 2009
Leyfisgögn ÍBV hafa nú skilað sér til leyfisstjórnar með póstinum og sýnir stimpillinn frá póstinum að gögnin hafi verið póstuð innan tímamarka, þ.e. fimmtudaginn 15. janúar.
16. janúar 2009
Stjórn KSÍ samþykkti á fundi sínum í gær, 15. janúar, aukinn fjárhagslegan stuðning við aðildarfélög sambandsins. Áætlað er að verðmæti þessara aðgerða séu tæplega 100 milljónir króna.
16. janúar 2009
Leyfisgögn Fjarðabyggðar og ÍA bárust með póstinum til KSÍ í morgun og staðfestir póststimpillinn á báðum sendingum að gögnin hafi verið póstuð fimmtudaginn 15. janúar, innan tímamarka leyfisferlisins.
15. janúar 2009
Samkvæmt upplýsingum leyfisstjórnar hafa Skagamenn póstað sín leyfisgögn og ættu þau því að berast leyfisstjórn á föstudag eða mánudag. Gögnin sem félögin eru að skila núna snúa að öllum öðrum þáttum en fjárhagslegum.
15. janúar 2009
ÍBV hefur sett leyfisgögn sín í póst og ættu þau því að berast leyfisstjórn á föstudag eða mánudag. Svo framarlega sem stimpill pósthússins í Eyjum sýnir sendingardaginn í dag, þá teljast Eyjamenn hafa skilað gögnunum innan tímamarka.
15. janúar 2009
Reykjavíkur-Þróttarar eru níunda Landsbankadeildarfélagið til að skila fylgigögnum með umsókn um þátttökuleyfi í Landsbankadeildinni 2009. Félögin tínast nú inn hvert af öðru eftir því sem líður á daginn.
15. janúar 2009
Breiðablik hefur nú skilað sínum leyfisgögnum og hafa þá tveir þriðju hlutar Landsbankadeildarfélaga skilað, eða átta af tólf félögum. Þau félög sem eiga eftir að skila eru Fram, Grindavík, ÍBV og Þróttur.
15. janúar 2009
Fjölnir hefur skilað leyfisgögnum sínum, fylgigögnum með leyfisumsókn fyrir keppnistímabilið 2009, og hafa þá sjö Landsbankadeildarfélög skilað.
15. janúar 2009
Leiknir í Reykjavík hefur skilað fylgigögnum með umsókn um þátttökuleyfi fyrir keppnistímabilið 2009, og þar með hafa bæði Breiðholtsliðin skilað sínum gögnum. Leiknir er sjöunda félagið í 1. deild til að skila gögnum.
