Handbók leikja inniheldur ábendingar og leiðbeiningar til félaga um framkvæmd leikja. Handbókin er ætluð öllum félögum við framkvæmd leikja í meistaraflokki karla og kvenna, en sérstaklega er þó tekið mið af leikjum í Pepsi Max deildum og Lengjudeildum og aðalkeppni Mjólkurbikarsins. Á fundi sínum fimmtudaginn 18. febrúar samþykkti stjórn KSÍ Handbók leikja 2021, sem er nú aðgengileg hér á vef KSÍ og hefur jafnframt verið send félögum í Pepsi Max deildum karla og kvenna og Lengjudeildum karla og kvenna.

Í Handbók leikja er fjallað um ýmsa þætti sem snúa að umgjörð og framkvæmd leikja. Á meðal efnis má nefna þátt samstarfsaðila og skyldur félaga við samstarfsaðila tiltekinna móta, ýmsa þætti sem snúa að leikvangi og umgjörð - aðstöðu og þjónustu við ýmsa aðila, öryggisþætti, starfsfólk heimaliðs, og vinnulag við skráningu úrslita og leikskýrslu.

Handbók leikja 2021

Mynd með grein: Hafliði Breiðfjörð, Fótbolti.net