Stjórn KSÍ skipaði, á fundi sínum 17. september, sérstaka nefnd til að fara yfir umsóknir sem bárust vegna FIFA Arena verkefnisins. Hlutverk nefndarinnar er að leggja mat á umsóknirnar og skila stjórn KSÍ rökstuddum tillögum um staðsetningu tveggja FIFA Arena valla á Íslandi.

Alls bárust 47 umsóknir til KSÍ. Nefndin mun meta umsóknirnar út frá fyrir fram skilgreindum viðmiðum og styðjast við sérstakt skorkort sem lagt verður til grundvallar mati á styrkleikum hverrar umsóknar.

Við matið verður horft til fyrirfram skilgreindra matsatriða frá FIFA.  

Nefndin er skipuð eftirtöldum einstaklingum:

•       Eyrún Linnet – Mannvirkjanefnd

•       Inga Rut – Mannvirkjanefnd

•       Klara Bjartmarz – Formaður nefndar

•       Pálmi Haralds – Stjórn KSÍ

•       Þorbergur Karlsson – Fyrrverandi fulltrúi í mannvirkjanefnd KSÍ

•       Fannar H. Rúnarsson – Starfsmaður nefndar

Gert er ráð fyrir að nefndin skili stjórn KSÍ tillögum sínum ásamt greinargerð í lok október. Stjórn KSÍ mun í kjölfarið taka endanlega ákvörðun um val á verkefnum.