16-liða úrslit í Gatorade bikarnum, bikarkeppni neðri deilda, voru spiluð í vikunni. 

Haukar unnu 3-0 sigur á KFR, Dalvík/Reynir vann 2-1 sigur gegn Hamri, KFA vann 3-2 sigur gegn Augnablik. Reynir S. vann 2-3 sigur gegn KH eftir framlengdan leik. Leikur Fjölnis og Álftanes fór í vítaspyrnukeppni. Staðan var 1-1 eftir venjulegan leiktíma og 3-3 eftir framlengingu. Álftanes hafði betur í vítaspyrnukeppninni.

Ýmir vann 0-2 sigur gegn Hvíta riddaranum og Kormákur/Hvöt komst áfram eftir sigur á Kára í vítaspyrnukeppni. Þar var staðan 2-2 eftir venjulegan leiktíma og 3-3 eftir framlengingu.

Í lokaleik 16-liða úrslitanna vann Selfoss öruggan sigur á grönnum sínum í Árborg þar sem lokatölur voru 5-0.

Dregið verður í 8-liða úrslit keppninnar klukkan 12:00 í dag, fimmtudag og verður drátturinn í beinni útsendingu á miðlum fótbolta.net.

Þessi lið verða í pottinum:

• Haukar
• Dalvík/Reynir
• KFA
• Reynir S.
• Álftanes
• Ýmir
• Kormákur/Hvöt
• Selfoss