Breiðablik hefur leik í Meistaradeild kvenna þann 4. ágúst. Blikar koma inn í keppnina í 2. umferð forkeppninnar.

Leikið er í formi "mini-tournament" þar sem fjögur lið eru saman í riðli og spilaðir eru tveir leikir á hvert lið. Liðin sem vinna sigur í fyrri leiknum spila úrslitaleik um hvort liðið kemst áfram. Liðin sem tapa fyrri leiknum spila um 3. sæti riðilsins.

Breiðablik mætir Aktobe frá Kasakstan í fyrri leik sínum. Leikurinn fer fram á Aktobe Ortalyk Stadion í Kasakstan og hefst hann klukkan 14:00. Seinni leikur Blika fer fram föstudaginn 7. ágúst.

Hin tvö liðin sem eru með Blikum í riðli eru Dinamo-BSUPC frá Belarús og Sevette frá Sviss.

Á vef UEFA má lesa allt um Meistaradeild kvenna.