Dregið hefur verið í fyrstu umferð Evrópukeppna félagsliða og er því ljóst hverjir mótherjar íslensku liðanna verða.

Víkingur R. mætir ETO Györ frá Ungverjalandi í fyrstu umferð forkeppni Meistaradeildarinnar. Fyrri leikurinn fer fram á Víkingsvelli 7. eða 8. júlí og seinni leikurinn ytra 14. eða 15. júlí.

Vestri mætir Qarabag frá Aserbaídsjan í fyrstu umferð forkeppni Evrópudeildarinnar. Fyrri leikurinn fer fram í Aserbaídsjan 9. júlí og seinni leikurinn á AVIS vellinum í Laugardal 16. júlí.

Stjarnan mætir Víking Götu frá Færeyjum í fyrstu umferð forkeppni Sambandsdeildarinnar. Fyrri leikurinn fer fram í Færeyjum 9. júlí og seinni leikurinn á Samsungvellinum 16. júlí.