Dregið var í undanúrslit Gatorade-bikarsins í höfuðstöðvum Ölgerðarinnar í hádeginu í dag, föstudag, og voru fulltrúar liðanna sem enn eru í keppninni viðstaddir dráttinn. Fjögur lið standa eftir í keppninni og berjast um sæti í úrslitaleiknum: Álftanes, Haukar, Kormákur/Hvöt og Selfoss.

Drátturinn leiddi í ljós að Selfoss tekur á móti Álftanesi í öðrum undanúrslitaleiknum en Kormákur/Hvöt mætir Haukum í hinum.  Gatorade-bikarinn er í samstarfi Ölgerðarinnar, KSÍ og Fótbolta.net.

Undanúrslit Gatorade bikarsins:

• Selfoss – Álftanes
• Kormákur/Hvöt – Haukar

Gatorade-bikarinn