KSÍ vill minna félög á að félagaskiptagluggi fyrir Lengjudeildir karla og kvenna, 2. deild karla, 2. deild kvenna, 3., 4. og 5. deild karla, utandeild karla og yngri flokka lokar 29. júlí 2026.
Félög eru hvött til að ganga frá félagaskiptum tímalega svo tryggt sé að þau gangi í gegn fyrir lokun gluggans. Við alþjóðleg félagaskipti er mikilvægt að öll gögn í FIFA TMS séu rétt og fullnægjandi og að dvalar- og atvinnuleyfi liggi fyrir þegar það á við.
Sérstaklega er bent á að félagaskiptabeiðnir fyrir leikmenn utan EES verða ekki sendar af stað nema gild dvalar- og atvinnuleyfi hafi verið afhent skrifstofu KSÍ. Ekki er nægjanlegt að umsókn sé til afgreiðslu hjá stjórnvöldum.
Samkvæmt gr. 20.4 í reglugerð KSÍ um félagaskipti, samninga og stöðu leikmanna og félaga getur KSÍ í ákveðnum tilvikum gefið út keppnisleyfi eftir lokun gluggans, enda hafi félagaskiptabeiðni verið stofnuð og öllum nauðsynlegum gögnum verið skilað fyrir lok gluggans.
Athygli er vakin á því að félagaskiptagluggi Bestu deildar karla og kvenna er opinn til 12. ágúst 2026.
