Fyrri leikir 2. umferðar forkeppni Evrópubikarsins fara fram í vikunni, en Breiðablik og FH hefja bæði leik á heimavelli á miðvikudag.

Breiðablik mætir Czarni frá Póllandi á Kópavogsvölli og FH mætir Eintracht Frankfurt frá Þýskalandi á Kaplakrikavelli. Báðir leikirnir hefjast kl. 16:00.

Seinni viðureignirnar fara svo fram að viku liðinni. Þau lið sem komast áfram verða í pottinum þegar dregið verður í 16-liða úrslit keppninnar 2. október.