Víkingar töpuðu með grátlegum hætti gegn írska liðinu Shamrock Rovers í forkeppni Meistaradeildar karla. 

Fyrri leiknum lauk sem kunnugt er með markalausu jafntefli í Víkinni og hlutirnir litu ekki nægilega vel út þegar heimamenn í Shamrock náðu tveggja marka forystu snemma leiks á Tallaght Stadium.  Víkingar unnu sig til baka í leikinn, voru betra liðið á löngum köflum og náðu að minnka muninn.  Heimamenn misstu mann af velli með rautt spjald þegar um stundarfjórðungur lifli af leiknum og pressa Víkings jókst. 

Seint í uppbótartíma fékk Víkingur vítaspyrnu sem því miður fór forgörðum og írska liðið fer því áfram.  Víkingur færist hins vegar í forkeppni Sambandsdeildarinnar.