Í samræmi við 18. gr. reglugerðar KSÍ um knattspyrnumót hefur KSÍ samþykkt erindi KA um að leikur Akureyrarliðanna KA og Þórs í Bestu deild karla, sem fram fer mánudaginn 27. júlí, verði leikinn á nýjum gervigrasvelli félagsins.

Gert er ráð fyrir 1500-2000 áhorfendum á leiknum.

KA óskaði eftir undanþágu þar sem framkvæmdum við vallarmannvirkið er ekki að fullu lokið og formleg úttekt mannvirkjanefndar KSÍ hefur ekki enn farið fram.

Undanþágan gildir eingöngu fyrir þennan tiltekna leik KA og Þórs. Að öðru leyti fer framkvæmd leiksins fram samkvæmt gildandi reglum um leiki í Bestu deild karla, þar á meðal ákvæðum um samstarfsaðila deildarinnar.

Besta deild karla