KSÍ og Livey hafa undirritað samstarfssamning um beinar útsendingar frá leikjum í 2. deild karla og kvenna næstu tvö tímabilin.  Komandi tímabil verður það fyrsta þar sem sýnt verður frá öllum leikjum 2. deilda karla og kvenna á sama vettvangi.

Guðjón Sveinsson framkvæmdastjóri Livey:  „Við erum gríðarlega spennt fyrir því að vera samstarfsaðili í því mikilvæga verkefni að lyfta upp íslenskum fótbolta og gera þessum deildum góð skil. Þessi félög hafa dygga stuðningsmannahópa sem vilja geta fylgst með leikjum sem fara fram í öllum landshlutum, og ekki síður mikilvægt fyrir starfsfólk liða og leikmenn að hafa aðgang að upptökum leikja.  Fyrirkomulag útsendinga verður að mestu leyti það sama og í Lengjudeildum karla og kvenna, en félögin munu þó sjálf sjá um lýsingar frá leikjum í samstarfi við okkur. Þetta er því frábært tækifæri til að finna næsta Gumma Ben eða Helenu Ólafs”.

Þorvaldur Örlygsson formaður KSÍ:  „Við sjáum mikil tækifæri í samstarfinu við Livey og hlökkum til að vinna með öflugum samstarfsaðila. Með þessu skrefi eru félögin í þessum deildum að leggja sitt af mörkum til að þróa fótboltann og efla sameiginlega innviði knattspyrnunnar, og fyrir það eiga þau fullt hrós skilið.“ 

Í upphafi tímabilsins 2026 er Livey með í gangi afsláttarkóðaherferð, þar sem hvert félag fær sinn eigin kóða, og fær þá félagið þá 20% af áskriftartekjum tímabilsins frá þeim kaupendum sem nota kóða þess félags.  Afslátturinn sem kaupandinn fær er 30% af fyrsta mánuði. 

Vefur Livey