Góð miðasala er á bikarúrslitaleik karla sem fram fer í kvöld og er nú uppselt á svæði Aftureldingar í aðalstúkunni. Opnað hefur verið fyrir miðasölu í austurstúkunni, í hólfum J og K (næst World Class).

Sæti í austurstúkunni eru á lægra verði en sæti í aðalstúkunni vegna þess að sjónvarpsbúnaður og framleiðslusvæði takmarka að hluta sýn úr austurstúkunni.

Miðaverð fyrir fullorðna í austurstúku er 2.500 kr. og miðaverð fyrir börn er 1.000 kr.

Uppfært: Einnig er uppselt á svæði Breiðabliks í aðalstúku og geta stuðningsmenn Blika einnig keypt miða í austurstúku í hólf J og K.

Miðasöluvefur KSÍ