Breiðablik og FH unnu bæði fyrri leik sinn í fyrstu umferð forkeppni Evrópubikarsins á miðvikudag.

FH mætti Apollon Ladies frá Kýpur ytra og unnu góðan 2-0 sigur. Þetta var fyrsti Evrópuleikur kvennaliðs FH.

Breiðablik vann svo glæsilegan 8-1 sigur gegn FK Csíkszereda frá Rúmeníu, en leikið var á Kópavogsvelli.

Seinni leikir viðureignanna fara fram eftir viku, miðvikudaginn 1. september. FH mætir Apollon Ladies á Kaplakrikavelli og hefst sá leikur kl. 16:00. Breiðablik mætir FK Csíkszereda á Stadion Municipal Miercurea Ciuc og hefst sá leikur einnig kl. 16:00 að íslenskum tíma.

Dregið verður í aðra umferð forkeppninnar föstudaginn 4. september.