Föstudaginn 4. september næstkomandi verður treyjudagurinn haldinn í fyrsta skipti á Íslandi. Börn með krabbamein standa að deginum og er markmiðið að einstaklingar og hópar klæðist sinni uppáhalds treyju og sýni þannig börnum með krabbamein stuðning.

KSÍ og ÍTF hafa staðið þétt við bakið á börnum með krabbamein, við undirbúning dagsins. Í öllum leikjum í Bestu deildum karla og kvenna dagana 28. ágúst - 1. september munu leikmenn og dómarar ganga inn á völlinn í sinni uppáhalds treyju til að vekja athygli á verkefninu. Við hvetjum því stuðningsmenn til að mæta tímalega á völlinn.