Á fundi stjórnar KSÍ þann 15. janúar sl. voru tillögur fjárhagsnefndar KSÍ vegna þáttökugjalda og ferðakostnaðar samþykktar. Þátttökugjöld ársins 2026 verða innheimt í tvennu lagi, fyrri hluti 1. febrúar og seinni hluti 1. nóvember.

Í dreifibréfi til félaga má finna yfirlit yfir gjöld vegna Íslandsmóts og annarra móta á vegum KSÍ árið 2026. Gert er ráð afslætti af þátttökugjöldum til aðildarfélaga þar sem hámarksafsláttur af þátttökugjaldi er 25%, en í yfirliti má sjá hver gjöldin eru miðað við 15% afslátt. Aðildarfélög fá afslátt af þátttökugjaldi með vísan til eftirfarandi þátta:

• Félag sem er ekki með yngri flokka starfsemi: Enginn afsláttur.
• Félag með yngri flokka starfsemi kvenna: 5% afsláttur af þátttökugjaldi.
• Félag með a.m.k. 6 virka dómara hjá KSÍ: 5% afsláttur af þátttökugjaldi.
• Félag með 15 virka dómara hjá KSÍ: 10% afsláttur af þátttökugjaldi.
• Félag af landssvæði 2: 5% afsláttur af þátttökugjaldi.
• Félag af landssvæði 3: 10% afsláttur af þátttökugjaldi.

Á framangreindum fundi stjórnar KSÍ var jafnframt samþykkt að úthlutun greiðslna til aðildarfélaga 
vegna leyfiskerfis KSÍ árið 2026 taki ekki breytingum frá árinu 2025.

Skoða dreifibréf