Úrslitaleikur Gatoradebikarsins þar sem Selfoss og Haukar mætast fer fram í dag, föstudaginn 18. september.

Leikurinn verður leikinn á Laugardalsvelli og hefst hann kl. 19:00.

Miðasala á leikinn er í fullum gangi á miðasöluvef KSÍ.

Miðasöluvefur KSÍ

Leið Selfoss í úrslitaleikinn

1. umferð - Hafnir - Selfoss 1-3

16-liða úrslit - Selfoss - Árborg 5-0

8-liða úrslit - Selfoss - Ýmir 4-0

Undanúrslit - Selfoss - Álftanes 5-0

Leið Hauka í úrslitaleikinn

1. umferð - Sátu hjá

16-liða úrslit - KFR - Haukar 0-3

8-liða úrslit - Haukar - Reynir S. - 3-2

Undanúrslit - Kormákur/Hvöt - Haukar 1-1 (3-4 í vítaspyrnukeppni)

Heiðursgestir

Selfoss

Heiðursgestur Selfoss er Óskar Sigurðsson. Óskar er fyrrum formaður knattspyrnudeildar Selfoss. Hann gegndi formennsku þegar félagið komst í fyrsta sinn í efstu deild og lék í deildinni sumarið 2010. Í formannstíð sinni var Óskar vakinn og sofinn yfir uppgangi knattspyrnunnar á Selfossi og sinnti starfi sínu af mikilli alúð.

Haukar

Heiðursgestur Hauka er Hafsteinn Ellertsson. Haddi Ellerts eins og við þekkjum hann er fyrrum leikmaður og stjórnarmaður í knattspyrnudeild HAUKA og er ötull og þrautseigur stuðningsmaður og sjálfboðaliði knattspyrnudeildarinnar og félagsins til margra áratuga. Haddi mætir á flesta leiki meistaraflokka karla og kvenna og er virkur félagi í getraunaklúbbi félagsins. Það er Haukum mikill heiður geta telft manni eins og Hadda Ellerts sem heiðursgest leiksins. Haddi Ellerts er sannur Haukur í horni!

Dómarar leiksins

Dómari - Arnar Ingi Ingvarsson

Aðstoðardómarar - Jovan Subic og Arnþór Helgi Gíslason

Fjórði dómari - Elías Ingi Árnason

Dómaraeftirlitsmaður - Halldór Breiðfjörð Jóhannsson

Fyrri sigurvegarar

2025 - Víkingur Ó.

2024 - Selfoss

2023 - Víðir

Aðsókn að fyrri úrslitaleikjum

2025 - 1.160

2024 - 834

2023 - 1.029