Valskonur eru sigurvegarar í Reykjavíkurmóti kvenna eftir sigur í úrslitaleiknum gegn Víking R. Lokatölur 3-2.

Víkingur komst yfir á 7. mínútu þegar Jóhanna Elín Halldórsdóttir kom boltanum í netið. Nokkrum mínútum síðar jafnaði Glódís María Gunnarsdóttir metin fyrir Val. Á 43. mínútu náði Valur forystu með marki frá Arnfríði Auði Arnarsdóttur og stóðu leikar 2-1 í hálfleik. 

Bergdís Sveinsdóttir jafnaði metin fyrir Víkinga með marki á 65. mínútu en það var Margrét Brynja Kristinsdóttir sem skoraði sigurmark Vals á 73. mínútu.