Víkingur R. færist yfir í Sambandsdeildina á meðan Valur er úr leik í sömu keppni eftir tap gegn FC Nordsjælland.

Víkingar unnu flottan 3-2 sigur gegn svissnesku meisturunum í Thun, en 0-3 tap í fyrri leik liðanna gerir það að verkum að Víkingar færast nú yfir í umspilið fyrir deildarkeppnina í Sambandsdeildinni. Þar mæta þeir Borac Banja Luka, sem þeir mættu í deildarkeppni Sambandsdeildarinnar árið 2024. Fyrri leikurinn fer fram fimmtudaginn 20. ágúst á Víkingsvelli og sá seinni viku síðar í Bosníu og Hersegóvínu.

Valur tapaði 0-5 ytra gegn FC Nordsjælland eftir að hafa tapað fyrri leiknum 0-2 á heimavelli. Því er þátttöku þeirra lokið í Sambandsdeildinni í ár.