Víkingur R. og Valur leika á fimmtudag seinni leik sinn í þriðju umferð forkeppni Evrópu- og Sambandsdeildarinnar.

Víkingur R. tapaði fyrri leik sínum gegn Thun ytra 0-3 í Evrópudeildinni á meðan Valur tapaði 0-2 gegn FC Nordsjælland á N1-vellinum Hlíðarenda.

Leikur Víkings R. og Thun fer fram á Víkingsvelli kl. 17:30 á meðan leikur FC Nordsjælland og Vals fer fram á Right to Dream Park og hefst hann kl. 17:00.

Ef Víkingur R. slær út Thun þá mætir það KKS Lech Poznan frá Póllandi eða KÍ Klaksvík frá Færeyjum í umspili um sæti í deildarkeppni Evrópudeildarinnar, en ef það tapar fer það niður í umspil um sæti í deildarkeppni Sambandsdeildarinnar og mætir þar FK Borac frá Bosníu og Hersegóvínu eða ML Vitebsk frá Belarús.

Takist Val að slá út FC Nordsjælland þá mætir liðið FC Sheriff Tiraspol frá Moldóvu eða FC St. Gallen 1879 frá Sviss.