Víkingur R. og Vestri mætast í Meistarakeppni KSÍ karla sunnudaginn 29. mars.

Leikurinn fer fram á Víkingsvelli og hefst hann kl. 14:00.

Bein útsending verður frá leiknum á RÚV. Sé jafnt eftir venjulegan leiktíma verður farið beint í vítaspyrnukeppni til að ákvarða sigurvegara.

Í Meistarakeppni KSÍ karla er keppt um Sigurðarbikarinn sem gefinn var af KR til minningar um Sigurð Halldórsson.

Breiðablik er núverandi handhafar bikarsins eftir að hafa unnið 3-1 sigur á KA í fyrra.