Valmynd
Valmynd
12. september 2018
Þór/KA tapaði 0-1 gegn Wolfsburg í fyrri leik liðanna í 32 liða úrslitum Meistaradeildar Evrópu, en leikið var á Akureyri.
12. september 2018
Þór/KA mætir Wolfsburg í dag í fyrri leik liðanna í 32 liða úrslitum Meistaradeildarinnar. Leikurinn fer fram á Þórsvelli og hefst hann klukkan 16:30.
4. september 2018
Búið er að draga í Unglingadeild UEFA (UEFA Youth League), en dregið var í höfuðstöðvum UEFA. KR er fulltrúi Íslands í keppninni, sem Íslandsmeistari í 2. flokki karla, og mætir KR þar Elfsborg frá Svíþjóð.
31. ágúst 2018
Úrslitakeppni 4. deildar karla hefst á laugardag, en þá fara fram fjórir leikir og hefjast þeir allir klukkan 12:00.
29. ágúst 2018
Breyting hefur orðið á leiktíma úrslitaleiks Mjólkurbikars karla, en þar mætast Stjarnan og Breiðablik. Leikurinn mun fara fram laugardaginn 15. september og hefst hann klukkan 19:15.
28. ágúst 2018
Vængir Júpíters hefja leik í Evrópukeppni félagsliða á miðvikudag, en leikið er í Svíþjóð. Með liðinu í riðli eru Leo Futsal Club, IFK Uddevalla og KMF Celik NK.
17. ágúst 2018
Breiðablik er Mjólkurbikarmeistari kvenna árið 2018 eftir 2-1 sigur gegn Stjörnunni. Berglind Björg Þorvaldsdóttir og Guðrún Arnardóttir komu Breiðablik í 2-0, áður en Telma Hjaltalín Þrastardóttir minnkaði muninn þegar stutt var til leiksloka.
5. ágúst 2018
Þór/KA hefur leik í undankeppni Meistaradeildar Evrópu á þriðjudaginn, en þá mætir liðið Linfield Ladies. Í riðlinum eru einnig Ajax og Wexford Youths Women. Leikurinn hefst klukkan 14:00 að íslenskum tíma, en leikið er á Norður-Írlandi.
30. júlí 2018
Á vinnufundi í síðustu viku með fulltrúum félaganna tveggja sem leika til úrslita í Mjólkurbikar kvenna, var samþykkt að færa úrslitaleikinn af laugardeginum 18. ágúst til föstudagsins 17. ágúst kl. 19.15.
27. júlí 2018
2. umferð forkeppni Evrópudeildar UEFA var leikin á fimmtudag. Stjarnan og Valur töpuðu sínum leikjum, en FH-ingar gerðu góða ferð til Ísrael þar sem þeir gerðu 1-1 jafntefli við Hapoel Haifa
22. júlí 2018
Það verða Breiðablik og Stjarnan sem leika til úrslita í Mjólkurbikar kvenna í ár. Undanúrslitaleikirnir fóru fram á laugardag, þar sem Stjarnan vann 9-1 stórsigur á Fylki, og Breiðablik lagði Val 2-0. Úrslitaleikurinn fer fram á Laugardalsvellinum laugardaginn 18. águst.
20. júlí 2018
FH og Stjarnan komust í 2. umferð forkeppni Evrópudeildar UEFA með því að vinna mótherja sína samanlagt. ÍBV er hins vegar úr leik. Öll liðin léku seinni leiki sína í 1. umferð á fimmtudagskvöld.
20. júlí 2018
Leikjum FH og Fjölnis annars vegar og Fylkis og Vals hins vegar, sem fara áttu fram sunnudaginn 29. júlí, hefur verið breytt vegna þátttöku FH og Vals í Evrópudeild UEFA. Leikirnir færast yfir á mánudaginn 30. júlí.
19. júlí 2018
Mótanefnd KSÍ hefur breytt leik Vals og Víkings í Pepsi-deild karla og leik Sindra og Hamranna í Inkasso-deild kvenna. Leikur Valsmanna og Víkinga færist af laugardegi yfir á sunnudag vegna þátttöku Vals í forkeppni Meistaradeildar UEFA.
19. júlí 2018
Íslandsmeistarar Vals féllu úr leik í Meistaradeild UEFA eftir 3-1 tap gegn Rosenborg í 1. umferð forkeppninnar, en liðin mættust í Þrándheimi í noregi á miðvikudag. Valmenn unnu fyrri leikinn 1-0, en samanlagt höfðu norsku meistararnir betur 3-2.
18. júlí 2018
Íslensku liðin sem leika í Evrópumótum félagsliða eru öll í eldlínunni í vikunni. Íslandsmeistarar Vals mæta norska liðinu Rosenborg á miðvikudag, en Evrópudeildarliðin leika öll á fimmtudag, FH-ingar í Kaplakrika.
13. júlí 2018
Sunnudaginn 15. júlí opnar félagaskiptaglugginn að nýju fyrir leikmenn meistaraflokka og samningsbundna leikmenn yngri flokka. Glugginn er opinn til 31. júlí en eftir þann tíma eru engin félagaskipti leyfð innanlands, hvort sem um er að ræða leikmenn meistaraflokka eða leikmenn yngri flokka.
5. júlí 2018
Dregið var í dag í forkeppni Futsal Meistaradeildar UEFA, en Vængir Júpíters unnu sér inn þáttökurétt þar með því að verða Íslandsmeistarar í Futsal. Riðillinn verður leikinn í Svíþjóð.
