KSÍ leitar að öflugum og drífandi markaðsfulltrúa til að taka þátt í áframhaldandi uppbyggingu markaðssviðs sambandsins.
Við leitum að einstaklingi sem kemur hugmyndum í framkvæmd, hefur sterka þjónustulund og nýtur þess að starfa í fjölbreyttu starfsumhverfi sem snýr að daglegri framkvæmd markaðstengdra verkefna og stærstu viðburða á vegum KSÍ. 

Helstu verkefni

• Dagleg samskipti við samstarfsaðila KSÍ og umsjón/eftirfylgni samninga við þá.
• Þátttaka í skipulagningu og framkvæmd markaðsherferða.
• Stuðningur við miðasölu og markaðssetningu landsleikja.
• Þátttaka í undirbúningi og framkvæmd landsleikja og annarra viðburða KSÍ.
• Söfnun og greining upplýsinga um árangur herferða, miðasölu og samstarfsverkefna.
• Stuðningur við framkvæmd leikjaupplifunar og viðburða á vegum KSÍ.
• Ýmis markaðstengd verkefni sem falla til innan sviðsins.

Við leitum að einstaklingi sem

• Er jákvæður, skipulagður og hefur sterka þjónustulund.
• Á auðvelt með að vinna að mörgum verkefnum samtímis.
• Getur unnið sjálfstætt og sýnt frumkvæði.
• Hefur áhuga á markaðsmálum, samskiptum og viðburðum.
• Hefur mjög góða íslensku- og enskukunnáttu í ræðu og riti.
• Hefur góða almenna tölvukunnáttu og á auðvelt með að tileinka sér ný kerfi og stafrænar lausnir.
• Nýtur þess að vinna með fólki og byggja upp góð sambönd.

Kostur er ef viðkomandi hefur reynslu af

• Markaðs- og kynningarmálum.
• Viðburðahaldi og verkefnastjórnun.
• Miðamálum, CRM-kerfum eða gagnagreiningu.
• Samfélagsmiðlum og stafrænum herferðum.

Aðrar upplýsingar
Næsti yfirmaður markaðsfulltrúa er sviðsstjóri markaðssviðs.
Starfið er í 100% starfshlutfalli.
Gert er ráð fyrir að viðkomandi geti hafið störf eigi síðar en 1. febrúar 2027, eða samkvæmt nánara samkomulagi.
Umsóknum skal fylgja ferilskrá og stutt kynningarbréf.
Umsóknarfrestur er til og með 6. nóvember 2026.
Umsóknir skulu sendar á oskar@ksi.is.
Farið verður með allar umsóknir sem trúnaðarmál.
Frekari upplýsingar um starfið veitir Óskar Örn Guðbrandsson, sviðsstjóri markaðssviðs KSÍ (oskar@ksi.is).