Valmynd
Flýtileiðir
Valmynd
21. mars 2016
Þann 24. mars mætast Ungverjar og Ísraelar í undankeppni EM U21 landsliða karla á Gyirmóti Stadion, í Gyor í Ungverjalandi. Dómarar leiksins koma frá Íslandi og verður það Vilhjálmur Alvar Þórarinsson sem verður með flautuna.
21. mars 2016
U17 landslið kvenna leikur í milliriðli fyrir úrslitakeppni EM og er fyrsti leikdagur fimmtudagurinn 24. mars.  Leikið er í Serbíu og auk heimastúlkna og Íslendinga eru Belgar og Englendingar í riðlinum.  Fyrsti mótherji íslenska liðsins er Belgía.
18. mars 2016
Annar fundur leyfisráðs í leyfisferlinu fyrir keppnistímabilið 2016 fór fram í vikunni og voru þátttökuleyfi 15 félaga samþykkt.  Sjö af leyfunum 15 eru gefin út með fyrirvara um afgreiðslu stjórnar KSÍ á umsókn viðkomandi félags um vallarleyfi. 
18. mars 2016
Byrjendanámskeið fyrir dómara verður haldið hjá Keflavík í Akademíunni á móti Reykjaneshöll mánudaginn 21. mars kl. 19:00. Námskeiðið er haldið af KSÍ í samvinnu við Keflavík og hefst kl. 19:30.  Námskeiðið stendur í um tvær og hálfa klukkustund og er öllum opið sem náð hafa 15 ára aldri.
17. mars 2016
Lars Lagerbäck og Heimir Hallgrímsson, landsliðsþjálfarar, hafa tilkynnt leikmannahópinn sem mætir Danmörku þann 24. mars og Grikklandi þann 29. mars. Um er að ræða vináttulandsleiki sem eru hluti af undirbúningi Íslands fyrir EM í Frakklandi.
17. mars 2016
Hæfileikamótun KSÍ og N1 fyrir stráka á höfuðborgarsvæðinu verður í Kórnum mánudaginn 21. mars og miðvikudaginn 23. mars og eru þetta æfingar fyrir drengi fædda 2002 og 2003. Það er Halldór Björnsson sem fer fyrir verkefninu.
17. mars 2016
Hæfileikamótun KSÍ og N1 fyrir stelpur á höfuðborgarsvæðinu verða í Kórnum mánudaginn 21. mars og þriðjudaginn 22. mars og eru þetta æfingar fyrir stúlkur fæddar 2002 og 2003. Það er Halldór Björnsson sem fer fyrir verkefninu.
15. mars 2016
Guðmundur Hreiðarsson, markmannsþjálfari A landsliðs karla í knattspyrnu, var nýverið tekinn inn í hóp sérfræðinga í markmannsþjálfun á vegum UEFA. Hópurinn er þessa vikuna að störfum í Serbíu þar sem hópar frá sex löndum eru saman komnir í þeim tilgangi að þjálfa þá kennara sem koma að kennslu á markmannsþjálfaragráðum í hverju landi fyrir sig.
15. mars 2016
Eftirtaldir leikmenn hafa verið valdir til að taka þátt í æfingum vegna undirbúnings U17 liðs karla fram að milliriðlum sem fram fara í Frakklandi í mars/apríl. Æfingarnar fara fram undir stjórn Halldórs Björnssonar, þjálfara U17 landsliðs Íslands.
15. mars 2016
Eftirtaldir leikmenn hafa verið valdir til að taka þátt í æfingahelgi vegna undirbúnings U17 ára liðs kvenna fyrir milliriðla sem fram fara í Serbíu 22.-30. mars 2016. Æfingar fara fram undir stjórn Freys Alexanderssonar þjálfara U17 landsliðs Íslands.
15. mars 2016
Eyjólfur Sverrisson, landsliðsþjálfari U21 landsliðs karla, hefur valið hópinn sem mætir Makedóníu í Skopje 24. mars í undankeppni EM15/17.
14. mars 2016
Hér að neðan má sjá þinggerð 70. ársþings Knattspyrnusambands Íslands, sem haldið var Hilton Nordica Reykjavík, 13. febrúar síðastliðinn.
12. mars 2016
Fyrri fundur leyfisráðs í leyfisferlinu fyrir keppnistímabilið 2016 fór fram í vikunni. Níu félög fengu útgefin þátttökuleyfi, en afgreiðslu leyfisumsókna 15 félaga var frestað um eina viku. Ráðið kemur aftur saman á fimmtudag í næstu viku.
11. mars 2016
Á 130. ársfundi Alþjóðanefndar knattspyrnusambanda (IFAB), sem haldinn var í Wales 5. mars sl., samþykkti nefndin að heimila tilraunir með "vídeó-aðstoðardómara". Á fundinum var einnig gefið grænt ljós á umfangsmestu endurskoðun sem gerð hefur verið á knattspyrnulögunum í allri 130 ára sögu IFAB.
9. mars 2016
Stelpurnar okkar unnu Nýja Sjáland í leik um bronsið á Algarve-mótinu sem fram fer í Portúgal. Leikurinn fór alla leið í vítakeppni þar sem Guðbjörg markmaður varði spyrnu í bráðabana og Sandra María skoraði úr næstu spyrnu sem tryggði Íslandi sigur.
9. mars 2016
Åge Hareide landsliðsþjálfari Dana í knattspyrnu tilkynnti í dag sinn fyrsta landsliðshóp en Danmörk mætir Íslandi í vináttulandsleik á MCH Arena í Herning þann 24. mars.
9. mars 2016
Hæfileikamótun N1 og KSÍ í Vestmannaeyjum verður þriðjudaginn 15. mars Það er Halldór Björnsson sem fer fyrir verkefninu. Æfingarnar eru fyrir bæði stelpur og stráka sem eru fædd 2002 og 2003.
9. mars 2016
Mánudaginn 18. apríl stendur fræðslusvið KSÍ fyrir KSÍ B prófi (UEFA B prófi). Prófið er opið öllum þjálfurum sem hafa klárað KSÍ I, II, III, IV, KSÍ B þjálfaraskólann og skilað öllum verkefnum á fullnægjandi hátt (engar undantekningar eru gerðar).
