Valmynd
Valmynd
9. febrúar 2008
Geir Magnússon, íþróttafréttamaður, fékk í dag knattspyrnupennann á ársþingi KSÍ. Það var Geir Þorsteinsson, formaður KSÍ, sem afhenti Geir Magnússyni pennann en hann hefur verið öflugur málsvari íslenskrar knattspyrnu.
9. febrúar 2008
Á ársþingi KSÍ í dag var jafnréttisáætlun sambandsins samþykkt en tillögu um fjölgun varamanna í fyrstu umferðum bikarkeppni KSí var vísað til stjórnar. Þessar tillögur lágu fyrir 62. ársþingi KSÍ.
9. febrúar 2008
Hér að neðan má sjá ávarp formanns KSÍ, Geirs Þorsteinssonar, á 62. ársþingi KSÍ sem fram fór í dag. Ársþingið var haldið í fyrsta skiptið í nýjum höfuðstöðvum KSÍ í Laugardal.
9. febrúar 2008
62. ársþingi KSÍ er lokið en þingið fór fram í dag í höfuðstöðvum KSÍ. Geir Þorsteinsson sleit þinginu og þakkaði sérstaklega þeim Ástráði Gunnarssyni og Halldóri B. Jónssyni fyrir þeirra farsælu störf til handa íslenskrar knattspyrnu. Þeir Rúnar Arnarson og Þórarinn Gunnarsson voru kjörnir í stjórn KSÍ.
8. febrúar 2008
Laugardaginn 9. febrúar kl. 11:00 verður 62. ársþing KSÍ sett í höfuðstöðvum sambandsins í Laugardal. Fylgst verður með framvindu þingsins, afgreiðslu tillagna, kosningum og annarra mála hér á heimasíðunni.
7. febrúar 2008
Á ársþingi KSÍ, sem haldið verður í höfuðstöðvum KSÍ 9. febrúar næstkomandi, verða m.a. kosningar í stjórn KSÍ sem og varastjórn KSÍ. Fimm framboð eru um fjögur sæti í stjórn KSÍ og fjögur framboð um þrjú sæti í varastjórn KSÍ.
7. febrúar 2008
Unglingadómaranámskeiði, sem halda átti á Selfossi í kvöld, hefur verið frestað vegna ófærðar. Stefnt er að því að halda námskeiðið í næstu viku og verður það auglýst nánar hér á síðunni.
6. febrúar 2008
Laugardaginn 9. febrúar næstkomandi fer fram 62. ársþing KSÍ í höfuðstöðvum KSÍ í Laugardal. Alls hafa 133 fulltrúar rétt til setu á þinginu, en nú þegar hefur kjörbréfum verið skilað fyrir 115 fulltrúa.
6. febrúar 2008
Íslendingar leika lokaleik sinn á æfingamótinu á Möltu í dag en mótherjarnir þá verða Armenar. Leikurinn hefst kl. 16:30 á íslenskum tíma og verður fylgst með leiknum hér á síðunni.
6. febrúar 2008
U21 karlalandsliðið leikur við Kýpur í dag en leikurinn er liður í undankeppni EM 2009. Leikið er á Kýpur og hefst leikurinn kl. 13:00 að íslenskum tíma. Luka Kostic hefur tilkynnt byrjunarlið Íslands í leiknum.
6. febrúar 2008
Ólafur Jóhannesson, landsliðsþjálfari, hefur tilkynnt byrjunarliðið er mætir Armeníu kl. 16:30 í dag. Leikurinn er lokaleikur liðsins á æfingamóti sem fram fer á Möltu. Armenar hafa unnið báða leiki sína til þessa en Íslendingar eru án stiga.
6. febrúar 2008
Íslenska U21 karlalandsliðið beið lægri hlut í dag gegn Kýpur ytra en leikurinn var í riðlakeppni EM 2009. Lokatölur urðu 2-0 fyrir heimamenn eftir að staðan í hálfleik var 0-0.
6. febrúar 2008
Íslendingar lögðu Armena að velli í dag en leikurinn var síðasti leikur liðsins á æfingamóti sem fram fór á Möltu. Lokatölur urðu 2-0 Íslendingum í vil og voru það Tryggvi Guðmundsson og Gunnar Heiðar Þorvaldsson sem skoruðu mörk Íslands.
5. febrúar 2008
Unglingadómaranámskeið verður haldið á vegum KSÍ á Selfossi kl. 20:00 fimmtudaginn 7. febrúar. Námskeiðið er öllum opið sem náð hafa 15 ára aldri og hafa brennandi áhuga á knattspyrnu.
5. febrúar 2008
Luka Kostic, landsliðsþjálfari U17 karla, hefur valið 30 leikmenn til úrtaksæfinga um komandi helgi. Æfingarnar fara fram í Kórnum og Fífunni og verða leiknir æfingaleikir fyrri daginn.
5. febrúar 2008
Kristinn Rúnar Jónsson, landsliðsþjálfari U19 karla, hefur valið tvo hópa til æfinga um komandi helgi. Æfingarnar fara fram í Egilshöllinni og í Kórnum um helgina en alls eru 47 leikmenn boðaðir til þessara æfinga.
4. febrúar 2008
Ísland leikur gegn Möltu á æfingamóti í kvöld og hefst leikurinn kl. 18:45 að íslenskum tíma. Bæði liðin töpuðu sínum leikjum í fyrstu umferð, Íslendingar fyrir Hvít Rússum og Malta fyrir Armeníu.
4. febrúar 2008
Íslenska karlalandsliðið tapaði gegn Möltu í kvöld en leikurinn er liður í æfingamóti sem fer fram á Möltu. Lokatölur urðu eitt mark gegn engu fyrir heimamenn og kom markið á 18. mínútu leiksins. Ísland leikur á móti Armeníu á miðvikudag.
