Valmynd
Valmynd
24. janúar 2008
Síðustu daga hafa verið haldin dómaranámskeið á Norðurlandi og hefur Magnús Jónsson, dómarastjóri KSÍ, verið með umsjón með þessum námskeiðum. Síðasta námskeiðið í þessari hrinu verður haldið í dag, fimmtudag og fer fram á Húsavík.
21. janúar 2008
Á stjórnarfundi KSÍ, sem haldinn var 17. janúar síðastliðinn, kom fram að Halldór B. Jónsson hefur dregið sig úr stjórn KSÍ vegna veikinda. Stjórn KSÍ samþykkti að kosning færi fram um sæti hans á næsta ársþingi.
21. janúar 2008
Um helgina var Skylmingamiðstöðin opnuð formlega við hátíðlega athöfn að viðstöddu fjölmenni. Skylmingamiðstöðin er undir stúkubyggingu Laugardalsvallar sem áður hýsti innanhússaðstöðu fyrir frjálsíþróttamenn.
21. janúar 2008
Kristrún Lilja Daðadóttir, landsliðsþjálfari U16 kvenna, hefur valið leikmenn til æfinga um komandi helgi. Æft verður tvisvar sinnum um helgina og fara æfingarnar fram í Kórnum í Kópavogi.
21. janúar 2008
Æfingar verða hjá U16 karla um komandi helgi og hafa 36 leikmenn verið boðaðir til þessara æfinga sem verða undir stjórn Freys Sverrissonar. Æft verður tvisvar um helgina og fara æfingarnar fram í Egilshöll og Kórnum.
21. janúar 2008
Ólafur Jóhannesson, landsliðsþjálfari, hefur valið 30 leikmenn sem taka þátt í æfingamóti á Möltu dagana 2. - 6. febrúar. Mótherjar Íslendinga verða heimamenn, Armenar og Hvít Rússar.
18. janúar 2008
Lúka Kostic, landsliðsþjálfari U21 karla, hefur valið 26 leikmenn til æfinga dagana 26. og 27. janúar. Æfingarnar fara fram í Kórnum í Kópavogi og verður æft laugardag og sunnudag.
18. janúar 2008
Framkvæmdastjóri KSÍ hefur sent bréf til allra þeirra félaga sem undirgangast leyfiskerfi KSÍ og er þeim þakkað fyrir góð skila á gögnum, öðrum en fjárhagslegum. Félögin eru jafnframt minnt á lykildagsetningar og nokkur mikilvæg atriði í leyfisferlinu.
18. janúar 2008
Í september síðastliðinum fór fram víðtækt gæðamat á skipulagi leyfiskerfis KSÍ og því starfi sem unnið er við rekstur þess, og hefur nú borist formleg tilkynning um niðurstöður þess.
17. janúar 2008
Leyfisgögn KS/Leifturs bárust með pósti í gær 16. janúar, en stimpill póssthússins sýndi og sannaði að þau hefðu verið send 15. janúar, innan tímamarka.
17. janúar 2008
Leyfisumsókn ÍBV ásamt fylgigögnum hefur nú borist leyfisstjórn og hafa því gögn frá öllum leyfisumsækjendum borist. Leyfisstjórn getur staðfest að gögn Eyjamanna voru póstuð innan settra tímamarka.
17. janúar 2008
Leyfisstjórn getur staðfest að öll félögin tólf sem hyggjast leika í 1. deild karla 2008 hafa nú skilað inn fylgigögnum með umsókn um þátttökuleyfi. Skiladagur gagna, annarra en fjárhagslegra, var 15. janúar.
16. janúar 2008
Íslenska karlalandsliðið er í 87. sæti FIFA listans en nýr listi var gefinn út í morgun. Ísland færist upp um 3 sæti frá síðasta lista þrátt fyrir að hafa ekki spilað landsleik á þessum tíma. Argentínumenn er í efsta sæti listans.
15. janúar 2008
Barna- og unglingaráð Knattspyrnudeildar Aftureldingar leitar að yfirþjálfara fyrir 14 aldursflokka barna- og unglingastarfsins. Umsóknum ásamt ferilskrá skal skilað fyrir 25. janúar.
15. janúar 2008
Á morgun mun birtast á heimasíðu UEFA umfjöllun um knattspyrnubæinn Akranes og þann fjölda atvinnumanna er koma þaðan. Aðilar frá heimasíðu UEFA voru hér í sumar og tóku upp efni sem birt verður á morgun.
15. janúar 2008
Lúka Kostic, landsliðsþjálfari U17 karla og Kristinn R. Jónsson, landsliðsþjálfari U19 karla, hafa valið leikmenn til úrtaksæfinga um komandi helgi. Tveir hópar munu æfa hjá U19 en æfingarnar fara fram í Egilshöllinni og Kórnum.
15. janúar 2008
Breiðablik varð rétt í þessu sjötta Landsbankadeildarfélagið til að skila fylgigögnum með leyfisumsókn fyrir keppnistímabilið 2008. Þar með hefur helmingur félaga í efstu deildinni skilað sínum gögnum.
15. janúar 2008
Skagamenn hafa skilað fylgigögnum sínum með umsókn um þátttökuleyfi fyrir keppnistímabilið 2008 og er ÍA þar með sjöunda félagið í Landsbankadeild til að gera slíkt. Fimm félög í efstu deild eiga enn eftir að skila.
